મોગલ માતાજીની આરતી – ગુજરાતી આરતી સંગ્રહ
MOGAL MATAJI NI AARATI – AARATI LYRICS IN GUJARATI
રચનાઃ રૂપલ આઇ
હું આરતી ઉતારું, અલોલ સુખ તારું, રે મોગલ માડી… ટેક.
માતાજી મારા આદિતે, આનંદ આવો,
દેવોની ચાલ જેવો, રે મોગલ માડી…
માતાજી આ સોમે, સકળમાં વ્યાપ્યા,
અખંડ સુખ આપ્યા રે મોગલ માડી…
માતાજી આ મંગળે, તને મન મારું મોટું,
ખાવાન નથી ખોટું, રે મોગલ માડી…
માતાજી આ બુધે, બુદ્ધિ ઘણી ચાલી,
બુડતાં બાંય ઝાલી, રે મોગલ માડી…
માતાજી આ બ્રહસ્પતે, ભાવ થકી ભેટ્યા,
માલેક દુઃખ મેટ્યા, રે મોગલ માડી…
માતાજી આ શુક્રે, સક્ત ઘરે આવો,
નવે નીધિ લાવો રે મોગલ માડી…
માતાજી આ શનિએ, જગતનો સ્વામી,
આવો ને બહુનામી, રે મોગલ માડી…
માતાજી આ ‘રૂપલ’કહે બલિહારી,
વાલમ જાઉં વારી રે મોગલ માડી…