વિરમદેવના વિરા રે વારે વેલા – રામદેવપીરનું ભજન
VIRAMDEV NA VIRA RE VARE VELA – RAMAPIR NA BHAJAN
રચનાઃ બળદેવદાસ બાપા
અંહીથી તમે એમ.પી 3 ફાઇલ મેળવી શકો છો.
વિરમદેવના વિરા રે વારે વેલા આવજો રે જી,
લેવા ને કાંઈ સેવકની સંભાળ રે હાં… ટેક
આપની વાડીમાં રે આ તે શું કોપ કારમો રે જી,
નથી કર્યો મેં કોઈનો કશો રંજાડ રે હાં…. વિરમદેવ ના વિરા રે
ખોટ છે ખાવન રે ધણી લેજો ધ્યાનમાં રહે જી,
તક સાચવવા આવોને તત્કાલ રે હાં…. વિરમદેવ ના વિરા રે
બળતા નીભામાંથી રે બચ્ચાને ઉગારિયા રે જી,
તે દી તમને શું લાગીતી વાર રે હાં….. વિરમદેવ ના વિરા રે
સુધન્વાને માથે સંકટ આવ્યું શામળા રે જી,
તરત તમે ટાઢા કિધાતા તેલ રે હાં….. વિરમદેવ ના વિરા રે
મીરાબાઈના માથે રે રાણા કેવો કોપ્યો રે જી,
તેનો તમે વાંકો ન થવા દીધો વાળ રે હાં…. વિરમદેવના વિરા રે
દાસ બળદેવ કહે છે રે રામા ચડજો રેવતે રે જી,
અટક વેળાએ ઘણી કરશો નહીં ઢીલ રે હાં…. વિરમદેવ ના વિરા રે