સિંકદરનું ફરમાન – સંતવાણી સાખીઓ
SIKANDAR NU FARMAN – SAKHI LYRICS IN GUJARATI
મારા મરણ વખતે બધી, મિલકત અહીં પધરાવજો,
મારી નનામી એ જ વખતે, કબ્રસ્તાનમાં લાવજો.
જે બાહુબળથી મેળવ્યું તે, ભોગવી પણ ના શક્યો,
અબજોની દોલત આપતાં, પણ આ સિકંદર ના બચ્યો.
મારું મરણ થાતા બધા, હથિયાર લશ્કર લાવજો,
પાછળ રહે મૃતદેહ, આગળ સર્વેને દોડાવજો.
આખા જગતને જીતનારું, સૈન્ય પણ રડતું રહ્યું,
વિકરાળ દળ ભૂપાળને, નહીં કાળથી છોડી શક્યું.
મારા બધા વૈદો હકીમોને, અહીં બોલાવજો,
મારો જનાજો એ જ વૈદોને, ખંભે ઉપડાવજો.
કહો દર્દીઓના દર્દને, દફનાવનારું કોણ છે,
દોરી તૂટી આયુષ્યની, તો સાંધનારું કોણ છે.
બાંધી મુઠ્ઠી રાખીને જીવો, જગતમાં આવતાને,
ખાલી હાથે આ જગતથી, સૌ જીવો ચાલ્યા જતા.
યોવન ફના જીવન ફના, જરને જગત પણ છે ફના,
પરલોકમાં પરિણામ ફળશે, પુણ્યનો ને પાપનો.