સોઇ વાત કોઇ જાણે ઝવેરલા – દેશી ભજન સંતવાણી સંગ્રહ
SOI VAT KOI JANE ZAVERALA – DESHI SANTVANI BHAJAN
રચનાઃ મેરમ સાહેબ
સોઈ વાત કોઈ જાણે ઝવેરલા, સૂક્ષ્મ વેદ સુણાવું,
મેરે દાતા સદગુરુ રામને રીઝાવું… ટેક
મન પવનનો મૂળો બાંધી, અગમ ખડકીયે આવું,
ખરી ખબરથી ખોજુ ખાવીંદને, તે પર લગની લગાવું…. મેરે દાતા
મૂળ કમળને મધ્યમાં લાવું, ઉન મુન ધ્યાન લગાવું,
ઈ અટકળથી જપું અજંપા, શ્વાસો શ્વાસ ચલાવું…. મેરે દાતા
ચલી સુરતા ચડી ગગન પર, અનહદ નાદ સુણાવું,
રણજણ રણજણ હોય રણકાર, શ્રુતિ બ્રહ્મ શહેર જગાવું…. મેરે દાતા
આવન જાવન કા મિટા અંતરા, એ પરવાનાં પાવુ,
મેરમ સાહેબ સદગુરુ ચરણે, નવી નકલમાં ન આવું…. મેરે દાતા