જેને દિઠે મારા નેણલાં ઠરે – ગુજરાતી ભજન સંતવાણી ગીત
JENE DITHE MARA NENALA THARE – JUNA BHAJAN
રચનાઃ લખમો માળી
જેને દિઠે મારા નેણલાં ઠરે,
બાયું, અમને એડા એડા સંત મળે ……ટેક
ઉદરમાંથી એક બુંદ પડે,ને ભગત નામ ધરે,
નરક છોડાવીને ન્યારા રેવે,અમર લોકને વરે ….અમને એડા એડા….
ચાલતા નર ધરતી ન દુભવે,પાપ થકી બહુ ડરે,
શબ્દ વિવેકીને ચાલે સુલક્ષણા,પૂછી પૂછી પાવ ધરે ….. અમને એડા એડા ….
ત્રિગુણ પૂતળી રમે સૂનમાં,અણઘટ ધાટ જ ઘડે,
ગુરૂજીના શબ્દો એવા છે,ખોજે તેને ખબરુ પડે ….. અમને એડા એડા …..
કાયાવાડીનો એક ભમરો,સંધ્યાએ ઓથ ધરે,
આ સંસારમાં સંત સુહાગી,બેઠા બેઠા ભજન કરે …..અમને એડા એડા ……
વર્ષાઋતુનો એક હિમ પોપટો,નીર ભેળા નીર ભળે,
લખમાના સ્વામીની સંગે રમતાં, સ્વાતિનાં બિંદુ ઠરે ….. અમને એડા એડા …..
વાદળી આકાશમાં આવી – દેશી ભજન સંતવાણી